අයහපත් කාලගුණ තත්ත්වය හේතුවෙන් පීඩාවට පත් වූ මෙරට ජනතාව වෙනුවෙන් සහන සැලසීමේ අරමුණින් රුසියානු මානුෂීය ආධාර රැගත් ගුවන් යානයක් ශ්රී ලංකාව බලා පිටත්ව තිබෙනවා.
මානුෂීය ආධාර ටොන් 35ක් රැගත් ගුවන් යානයක් මෙලෙස ශ්රී ලංකාව බලා පිටත් වූ බවයි ශ්රී ලංකා තානාපති ෂෝබිනි ගුණසේකර සදහන් කර තිබෙන්නේ.
2004 වසරේ ඇතිවූ සුනාමියෙන් පසු ශ්රී ලංකාවේ ඇති වූ දරුණුතම ස්වාභාවික විපත වූ ”දිට්වා” සුළි කුණාටුවේ බලපෑම හේතුවෙන් පුද්ගලයින් 639 දෙනෙකු මිය ගිය අතර ජනගහනයෙන් 10%කට පමණ බලපෑම් එල්ල වුනා.
