භෞතික සහ ආධ්යාත්මික වශයෙන් නටබුන් වූ රාජ්යය දේහය පිළිබඳ ස්වයං විවේචනයක් සිදු කරමින් නූතන රාජ්ය සේවයක් ගොඩනැඟීමට ලබන වසරේ අයවැය ප්රතිපාදන වෙන් කරන බව ජනාධිපති අනුර කුමාර දිසානායක මහතා අවධාරණය කළා.
ජනාධිපතිවරයා මේ බව සඳහන් කළේ අරලියගහ මන්දිරයේදී අද පැවති ශ්රී ලංකා පරිපාලන සේවා සංගමයේ (SASA) 41 වන වාර්ෂික සමුළුවේ ප්රධාන ආරාධිත අමුත්තා ලෙස එක් වෙමින්.
නූතනත්වයේ සංස්කෘතියකට රාජ්ය සේවය ගෙන යා යුතු බවත් එය ආරක්ෂා කිරීමට ගත හැකි සියලු ක්රියාමාර්ග ගන්නා බවත් ජනාධිපති අනුර කුමාර දිසානායක මහතා වැඩිදුරටත් කියා සිටියා.
නටබුන් වූ රාජ්ය සේවය නවීකරණය කිරීම සඳහා එහි භෞතික පහසුකම් වැඩිදියුණු කිරීමට ලබන වසරේ අයවැයේදී ප්රමුඛ අවධානය යොමු කර ඇති බවයි මෙහිදී ජනාධිපතිවරයා කියා සිටියේ.
ශ්රී ලංකා පරිපාලන සේවා සංගමයේ 41 වන වාර්ෂික සමුළුව ජනාධිපති අනුර කුමාර දිසානායක මහතාගේ ප්රධානත්වයෙන්, අග්රමාත්ය ආචාර්ය හරිනි අමරසූරිය, රාජ්ය පරිපාලන, පළාත් සභා සහ පළාත් පාලන අමාත්ය ආචාර්ය චන්දන අබේරත්න සහභාගීත්වයෙන් අද (05) අරලියගහ මන්දිරයේදී පැවැත්වුණා.
ශ්රී ලංකා පරිපාලන සේවා සංගමය යනු රාජ්ය සේවයේ ප්රමුඛතම දීප ව්යාප්ත සේවාව වන ශ්රී ලංකා පරිපාලන සේවයේ නිලධාරීන්ගෙන් සැදුම් ලත් වෘත්තීය සංවිධානයයි.
මෙවර එහි වාර්ෂික සමුළුව පවත්වනු ලැබුවේ වසර 05කට පසුව වීම විශේෂත්වයක්.
