ඇෆ්ඝනිස්තාන දග පන්දු යවන ක්රීඩක රෂිඩ් ඛාන්ට ශ්රී ලංකාව සමග ආරම්භ වීමට නියමිත තරග 3කින් යුත් එක්දින ක්රිකට් තරගාවලියේ පළමු තරග දෙක ක්රීඩා කිරීමේ අවස්ථාව අහිමි වී තිබෙනවා.
ඔහුගේ පිට කොන්ද ආශ්රිතව ඇතිව තිබෙන ආබාධ තත්ත්වයක් හේතුවෙන් පළමු එක්දින තරග දෙක ඔහුට අහිමි වී ඇති බවයි එරට ක්රිකට් ආයතනය නිවේදනය කළේ.
ඔහු පසුගිය 29 වැනිදා පැවැති අයි.පී.එල් අවසන් මහා තරගයේ දී ද ගුජරාට් ටයිටන්ස් කණ්ඩායම නියෝජනය කරමින් ක්රීඩා කළ පසුබිමකයි ඔහු මෙලෙස ආබාධයකට ලක්ව ඇත්තේ.
ඇෆ්ඝනිස්තාන කණ්ඩායමේ ශ්රී ලංකා සංචාරයේ දී දෙරට අතර පැවැත්වීමට නියමිත තරග 3 කින් යුත් එක්දින තරගාවලියේ සියලු තරග දිවා තරග ලෙස හම්බන්තොට දී පැවැත්වීමට නියමිතයි.
ඒ අනුව දෙරට අතර පළමු තරගය හෙට පැවැත්වීමට කටයුතු යොදා තිබෙනවා.
ලබන 4 වැනිදා දෙවැනි එක්දින තරගයත්, ජූනි 7 වැනිදා අවසන් එක්දින තරගයත් පැවැත්වීමටයි නියමිතව ඇත්තේ.
