මන්නාරම ප්රදේශයේ යෝජිත සුළං විදුලි බලාගාරය සහ ඒ සම්බන්ධ මතු වී ඇති ගැටලු පිළිබඳ සාකච්ඡාවක් පවත්වා තිබෙනවා.
ඒ ජනාධිපති අනුර කුමාර දිසානායක මහතාගේ ප්රධානත්වයෙන් .
මෙම සාකච්ඡාවේදී රටේ බලශක්ති අවශ්යතාව සහ ආර්ථිකයට ව්යාපෘතියේ වැදගත්කම පිළිබඳව අවධානය යොමු කර ඇති බවයි වාර්තා වුනේ.
සුළං බලාගාරය හේතුවෙන් ප්රදේශයේ ජනතාවට ඇති වී ඇති ගැටලු පිලිබදව සොයා බලා ඒ සඳහා විසදුම් ලබා දීමට අවශ්ය ව්යුහයක් ඇති කිරීමටද මෙහිදී එකග වී තිබෙනවා.
එසේම ටෙන්ඩර් කැඳවා කොන්ත්රාත් ප්රදානය කර,මේ වනවිට ආරම්භ කර ඇති මෙගාවොට් 20ක සහ යෝජිත මෙගාවොට් 50 ක සුළං විදුලි බලාගාර දෙකෙහි ඉදි කිරීම් කටයුතු තාවකාලිකව අත්හිටුවීමට ද තීරණය කර ඇති බවයි වාර්තා වුනේ.
බලශක්තිය යනු ප්රදේශයේ පමණක් නොව රටේ ජාතික සම්පතක් බවත්, විදුලිය ප්රශ්නය සමස්ත ආර්ථිකය සමඟ බැඳී පවතින බවත් ජනාධිපතිවරයා මෙම සාකච්ඡාවේදී අවධාරණය කළා.
මෙම ව්යාපෘති මඟින් ජනතාවගේ ජීවන වෘත්තියට, ආර්ථිකයට හා ජීවිතය පවත්වාගෙන යාම සඳහා වන බලපෑම් සහ ජනතාවගේ ගැටලු පිළිබඳව සාකච්ඡා කිරීමට රජය ඕනෑම අවස්ථාවක සූදානම් බවයි ජනාධිපති අනුර කුමාර දිසානායක මහතා සදහන් කළේ.
බලශක්තිය යනු එක් ප්රදේශයකට සීමා වන දෙයක් නොව සමස්ත රටේම ජනතාවගේ අයිතියක් බවත් ජනාධිපති අනුර කුමාර දිසානායක මහතා මෙහිදී අවධාරණය කළා.
