මිනුවන්ගොඩ ප්‍රදේශයේදී කාන්තාවක අමානුෂික ලෙස ඝාතනය කර තිබෙනවා.
මෙලෙස ඝාතනයට ලක්ව ඇත්තේ 65 හැවිරිදි වියේ පසු වූ මිනුවන්ගොඩ, යාගොඩමුල්ල ප්‍රදේශයේ පදිංචි කාන්තාවක බවයි පොලිසිය සඳහන් කළේ.
ඝාතකයින් විසින් අනතුරුව ඇයගේ නිවසට ද ගිනි තබා පළා ගොස් ඇති බව සඳහන්. අදාළ කාන්තාව කපා කොටා ඝාතනය කර ඇති බවට සැක පළ කෙරෙන්නේ.
මෙලෙස ඝාතනයට ලක්ව ඇති ශාන්ති පදිමිණී නමැති කාන්තාව ශ්‍රී ලංකා නිදහස් පක්ෂය නියෝජනය කරමින් මෙවර මැතිවරණයට ඉදිරිපත්වීමට නියමිතව සිට ඇති කාන්තාවක බවද සඳහන්.
සිද්ධිය සම්බන්ධයෙන් මහෙස්ත්‍රාත් පරීක්ෂණය සිදු කිරීමෙන් අනතුරුව සිරුර පශ්චාත් මරණ පරීක්ෂණය සඳහා ගම්පහ අධිකරණ වෛද්‍යවරයා වෙත යොමු කරන ලෙස නියෝග කර තිබෙනවා.
සිද්ධිය සම්බන්ධයෙන් මිනුවන්ගොඩ පොලීසිය වැඩිදුර විමර්ශන සිදු කරනවා.
Array
