මැතිවරණ කොමිසමේ සාමාජිකාවක වන පී.එස්.එම්.චාල්ස් මහත්මිය කොමිසමේ රාජකාරි කටයුතුවලින් ඉල්ලා අස් වී තිබෙනවා.
පී.එස්.එම්.චාල්ස් මහත්මියගේ ඉල්ලා අස්වීමේ ලිපිය ජනාධිපතිවරයාට ලැබී ඇතැයි ජනාධිපති කාර්යාල ආරංචි මාර්ග සඳහන් කරනවා.
මේ අතර මැතිවරණ කොමිෂන් සභාව, රාජ්ය සේවා කොමිෂන් සභාව, ජාතික පොලිස් කොමිෂන් සභාව, විගණන සේවා කොමිෂන් සභාව, ශ්රී ලංකා මානව හිමිකම් කොමිෂන් සභාව, අල්ලස් හෝ දූෂණ චෝදනා විමර්ශනය කිරීමේ කොමිෂන් සභාව, මුදල් කොමිෂන් සභාව, සීමා නිර්ණය කොමිෂන් සභාව සහ ජාතික ප්රසම්පාදන කොමිෂන් සභාව යන කොමිෂන් සභා සඳහා සාමාජිකයින් ලෙස පත්කිරීමට අයදුම්පත් කැඳවමින් පුවත්පත් දැන්වීම් පළ කිරීමට තීරණය වී තිබෙනවා.
මේ අනුව එම අයදුම්පත් ඉදිරිපත් කිරීම සඳහා දැන්වීම පළ කළ දින සිට සති දෙකක කාලයක් ලබා දෙනු ඇති. එමෙන්ම අයදුම් කිරීමේ ක්රියාවලිය පිළිබඳ වැඩි විස්තර පුවත්පත් දැන්වීම හරහා දැනුම්දීමටද නියමිතයි.
කථානායක සහ ආණ්ඩුක්රම ව්යවස්ථා සභාවේ සභාපති මහින්ද යාපා අබේවර්ධන මහතාගේ ප්රධානත්වයෙන් පාර්ලිමේන්තුවේදී ආණ්ඩුක්රම ව්යවස්ථා සභාවේ පළමු රැස්වීම ඊයේ පැවැත්වුණු අතර එහිදී මේ පිළිබඳව සාකච්ඡා වී තිබෙනවා.
මේ සඳහා අග්රාමාත්ය දිනේෂ් ගුණවර්ධන, විපක්ෂනායක සජිත් ප්රේමදාස, අමාත්ය නිමල් සිරිපාල ද සිල්වා, පාර්ලිමේන්තු මන්ත්රී, නීතඥ සාගර කාරියවසම් යන මහත්වරුන් සහ මන්ත්රීවරුන් නොවන සාමාජිකයින් වන ආචාර්ය ප්රතාප් රාමානුජම්, වෛද්ය දිල්කුෂි අනුලා විජේසුන්දර සහ ආචාර්ය දිනේෂා සමරරත්න යන මහත්ම මහත්මීන්ද සහභාගී වී තිබෙනවා.
මේ අතර පාර්ලිමේන්තුවේ මහලේකම් ධම්මික දසනායක මෙන්ම කාර්ය මණ්ඩල ප්රධානී සහ නියෝජ්ය මහලේකම් කුෂානී රෝහණදීර මහත්මියද මේ සඳහා සහභාගී වුණා. පාර්ලිමේන්තු මන්ත්රී කබීර් හෂීම් මහතා නොවැළැක්විය හැකි හේතුවක් මත ඊයේ දිනයේදී රැස්වීමට සහභාගීවී නැහැ.
ආණ්ඩුක්රම ව්යවස්ථා සභාවේ රාජකාරි සහ කාර්යයන් ස්වාධීනව, වගවීමකින් සහ විනිවිදභාවයකින් යුතුව ඉටු කිරීමට ද මෙහිදී ඒකමතිකව එකඟත්වය පළවී ඇති බව සඳහන්.
