බරපතල ලිංගික අපයෝජනයක් සම්බන්ධයෙන් මවුලවිවරයෙක් එරගම පොලිසිය විසින් අත්අඩංගුවට ගෙන තිබෙනවා.
පොලිසිය කියා සිටියේ වයස අවුරුදු 14ක් වන දැරියක් බරපතල ලිංගික අපයෝජනය කිරීමක් සම්බන්ධයෙන් එරගම පොලිසිය සිදු කරන ලද විමර්ශනයකදී මැයි මස 8 වන දින එරගම ප්රදේශයේදී අපරාධයට ආධාර අනුබලදීම සම්බන්ධයෙන් සැකකරුවෙක් අත්අඩංගුවට ගෙන තිබෙනවා. සැකකරු වයස අවුරුදු 21ක් වන එරගම ප්රදේශයේ පදිංචිකරුවෙක් බවයි පොලිසිය පවසන්නේ. සැකකරු මැයි 09 වන දින අම්පාර මහේස්ත්රාත් අධිකරණයට ඉදිරිපත් කිරීමෙන් පසුව මැයි 20 වන දින දක්වා රක්ෂිත බන්ධනාගාර ගත කර යළි ජුනි මස 03 වැනිදා දක්වා රක්ෂිත බන්ධනාගාර ගත කර තිබෙනවා.
මෙම අපරාධයේ ප්රධාන සැකකරු ප්රදේශයෙන් පළාගොස් සිට මැයි මස 20 වන දින නීතිඥවරයෙකු මාර්ගයෙන් අම්පාර මහේස්ත්රාත් අධිකරණයට ඉදිරිපත්වීමෙන් පසුව ජුනි මස 03 වන දින දක්වා රක්ෂිත බන්ධනාගාර ගත කර තිබෙනවා.
සැකකරු වයස අවුරුදු 21ක් පමණ වන එරගම ප්රදේශයේ පදිංචි මවුලවිවරයෙක් බවයි පොලිසිය පවසන්නේ.
සිද්ධිය සම්බන්ධයෙන් එරගම පොලිසිය වැඩිදුර විමර්ශන සිදු කරනු ලබනවා.
