තේ දළු නෙලමින් සිටි වතු කම්කරුවන් පිරිසකට අද (12) දින එල්ල වු බඹර ප්‍රහාරයකින් තුවාල ලැබු වතු කම්කරු කාන්තාවන් හය දෙනෙකු බගවන්තලාව ප්‍රාදේශිය රෝහලට ඇතුලත් කල බව බගවන්තලාව ප්‍රාදේශිය රෝහලේ දිස්ත්‍රික් වෛද්‍ය නිලධාරි ඒ.එස්.කේ.ජයසුරිය මහතා පවසනවා.
බගවන්තලාව පොලිස් වසමට අයත් බ්‍රිඩ්වෙල් වතුයායේ තේ පදුරක් මත බැද තිබු බඹර කුඩුවක් තේ දළු නෙලමින් සිටි වතු කම්කරු කාන්තාවෙකුගේ පයට පැගිමෙන් ඇවිස්සුණු බඹරුන් තේ දළු නෙලමින් සිටි වතු කම්කරු කාන්තාවන්ට පහර දි තුවාල සිදු කර ඇති බවයි වතු පාලන අධිකාරිය කියා කියා සිටියා.
බඹර ප්‍රහාරයෙන් තුවාල ලබා රෝහල් ගත හය දෙනාගෙන් පස් දෙනෙකු ප්‍රතිකාර ලබා ලබා පිටව ගිය බවත්, බඹරුන් විශාල ලෙස පහර දිම හේතුවෙන් බරපතල ලෙස තුවාල ලැබු වතු කම්කරු කාන්තාවක් තම රෝහලේ නේවාසිකව ප්‍රතිකාර ලබන බවද බගවන්තලාව ප්‍රාදේශිය රෝහලේ දිස්ත්‍රික් වෛද්‍ය නිලධාරිවරයා වැඩිදුරටත් කියා සිටියා.
