ඉන්දීය ප්රිමියර් ලීග් ක්රිකට් තරඟාවලියේ 31 වැනි තරඟයෙන් කඩුළු 2ක ජයක් වාර්තා කිරීමට රාජස්ථාන් රෝයල්ස් කණ්ඩායම ඊයේ සමත් වුණා.
ඒ කොල්කටා නයිට් රයිඩර්ස් කණ්ඩායම පරාජයට පත් කරමින්.
මෙම තරඟය ඉතිහාසගත වුනේ අයි.පී.එල් තරඟ ඉතිහාසයේ දී කණ්ඩායමක් සාර්ථක ලෙස හඹා ගොස් ජය ගත් තරඟය ලෙසයි.
තරඟයේ පළමුවෙන් පන්දුවට පහරදුන් කොල්කටා කණ්ඩායම නියමිත පන්දුවාර 20 අවසානයේ කඩුළු 06ක් දැවී ලකුණු 223ක් රැස් කළා.
එහිදී විශිෂ්ඨ ඉනිමක් ක්රීඩා කළ සුනිල් නරේන් සිය මංගල විස්සයි විස්ස ශතකය වාර්තා කළ අතර, එහිදී ඔහු පන්දු 56දී ලකුණු 109ක් රැස් කළා.
පන්දු යැවීමේදී ආවේශ් ඛාන් සහ කුල්දීප් සෙන් කඩුළු 2 බැගින් බිඳ හෙළුවා.
ඒ අනුව පිළිතුරු ඉනිම ක්රීඩා කළ රාජස්ථාන් කණ්ඩායම පන්දුවාර 20 අවසානයේ කඩුළු 08ක් දැවී ලකුණු 224ක් ලබා ගනිමින් තඟය ජයග්රහණය කළා.
මෙහිදී කණ්ඩායම ජයග්රහණය කරා ගෙන ගිය ජොස් බට්ලර් නොදැවී පන්දු 60දී ලකුණු 107ක් රැස් කළා.
පන්දු යැවීමේදී හර්ෂිට් රානා, සුනිල් නරේන් සහ වරුන් චක්රවර්ති කඩුළු 2 බැගින් බිඳ හෙළුවා.
