යුරෝපයට ශීත ඍතුව ආරම්භ වීමත් සමග , පෝලන්තයේ ප්රධාන නගර තුනක සිට , එරට සංචාරකයන් රැගත් ගුවන් යානා තුනක් කටුනායක ගුවන් තොටුපොළ වෙත පැමිණි අතර , ඒ අතරින් වෝර්සෝ නුවර (Worsaw ) නුවර සිට පැමිණි එන්ටර් එයාර් ගුවන් සේවයේ ( Enter Air ) ප්රථම මංගල ගුවන් යානය ( Inogaral Flight ) 11/01 දින උදෑසන කටුනායක ගුවන් තොටුපොළ වෙත පැමිණියේය .
මෙම එන්ටර් එයාර් ගුවන් යානා 11/01 දින සිට සෑම දින 10 කට වරක් , පෝලන්තයේ වෝර්සෝ ( Worsaw ), කැතොවීසා ( Katowice ) සහ පොස්නන්
( Poznan ) යන නගර වල සිට එක් දිනකට තුන බැගින් , එළඹෙන 2025 වසරේ මාර්තු මස 31 දින තෙක් කටුනායක ගුවන් තොටුපොළ වෙත පැමිණීමට නියමිතය .
මෙම ප්රථම මංගල ගුවන් ගමන සදහා මෙම ගුවන් සේවය විසින් බෝයිං – 737 වර්ගයේ ගුවන් යානයක් යොදවා තිබුණි .
11/01 දින උදෑසන 10.40 ට පෝලන්තයේ වෝර්සෝ නුවර සිට එන්ටර් එයාර් ගුවන් සේවයේ ඊ.එන්.ටී.- 1561 දරන ගුවන් යානය පැමිණ තිබූ අතර එහි ගුවන් මගීන් 187 දෙනෙකු සහ කාර්යය මණ්ඩලය 07 දෙනෙකු පැමිණ සිටියහ .
මෙම ගුවන් මගීන් පිරිස පිළිගැනීම සදහා ශ්රී ලංකා සංචාරක ප්රවර්ධන කාර්යාංශයේ සහකාර අධ්යක්ෂවරුන් වන මසිත තාබෲ , ශෂිකා ජයවීර සහ ගුවන් තොටුපොළ සංචාරක ප්රවර්ධන කාර්යාංශයේ කළමනාකරු වාසනා කුමාරි යන නිලධාරීන් පැමිණ සහභාගී වී සිටියහ .
