ගල්කිස්ස කොට්ඨාසය යටතේ පාලනය පොලිස් ස්ථානයක කොස්තාපල්වරියක් පෙබරවාරි 15 වනදා අලුයම් කාලයේ කාන්තා භට නිවසේ නානාකාමරයේ ඇඟ සෝදමින් සිටින අතරවාරයේ ජංගම දුරකථනයකින් වීඩියෝ කළ බව කියන එම පොලිස් ස්ථානයේම රාජකාරී කරන ආධුනක පොලිස් කොස්තාපල්වරයෙක් අත්අඩංගුවට ගෙන තිබෙනවා.
කොස්තාපල්වරිය නාන කාමරයට ගොස් ඇඟ සෝදමින් සිටින අවස්ථාවේ සැකකාර කොස්තාපල්වරයා හොර රහසේම ජංගම දුරකථනයකින් වීඩියෝ කරන ආකාරය දැක ඇය ඒ බව පොලිස් ස්ථානයට පැමිණිලි කර තිබෙනවා.
පොලිස් කොස්තාපල්වරියගේ පැමිණිල්ල මත පරීක්ෂණ පවත්වා සැකකාර ආධුනික කොස්තාපල්වරයා අත්අඩංගුවට ගෙන ඔහු සතුව තිබූ ජංගම දුරකථනයද පොලිස් භාරයට ගෙන තිබෙනවා.
පොලිස් භාරයට ගත් ජංගම දුරකථනය පරීක්ෂා කිරීමේදී පොලිස් කොස්තාපල්වරිය ඇඟ සෝදන ආකාරය දැක්වෙන වීඩියෝ තුනක් එම දුරකථනයේ තිබී ඇති අතර කාන්තාවකට ලිංගික අතවර කළේ යැයි කියන චෝදනාව යටතේ කොස්තාපල්වරයා සැකපිට අත්අඩංගුවට ගැනුණු බවයි පොලිසිය පවසන්නේ.
සහකාර පොලිස් අධිකාරිවරයෙකු විසින් මේ සම්බන්ධයෙන් මූලික විමර්ශනයක් පව්තවා කොස්තාපල්වරයාගේ වැඩතහනම් කරනු ලැබූ බව පොලිස් ආරංචි මාර්ග පවසනවා.
සිද්ධිය සම්බන්ධයෙන් අදාළ පොලිස් ස්ථානය මේ සම්බන්ධයෙන් වැඩිදුර විමර්ශන සිදු කරනු ලබනවා.
