පාර්ලිමේන්තු කාරක සභා කිහිපයක් සඳහා නව සභාපතිවරුන් පත් කර තිබෙනවා
ශ්රී ලංකා පාර්ලිමේන්තුව නිවේදනය කළේ, මහජන පෙත්සම් පිළිබඳ කාරක සභාවේ සභාපති ධූරය සඳහා පාර්ලිමේන්තු මන්ත්රී ආර්.එම්. ගාමිණී රත්නායක මහතා, ක්රම හා විධි පිළිබඳ කාරක සභාවේ සභාපති ධූරය සඳහා නියෝජ්ය අමාත්ය (ආචාර්ය) හර්ෂණ සූරියප්පෙරුම මහතා සහ ආචාර ධර්ම හා වරප්රසාද පිළිබඳ කාරක සභාවේ සභාපති ධූරය සඳහා අමාත්ය ක්රිෂාන්ත අබේසේන මහතා තෝරාපත් කර ඇති බවයි.
දසවැනි පාර්ලිමේන්තුවේ පළමු සභාවාරය සඳහාවූ මහජන පෙත්සම් පිළිබඳ කාරක සභාවේ පළමු රැස්වීම පසුගිය 23 වැනිදා පාර්ලිමේන්තුවේදී පවත්වා තිබුණා.
එම අවස්ථාවේදී පාර්ලිමේන්තුවේ ස්ථාවර නියෝග 130 (1) හි දක්වා ඇති විධිවිධාන ප්රකාරව කාරක සභාවට සභාපතිවරයෙකු තෝරා පත් කර ගැනීම සිදුකර තිබෙනවා.
එහිදී ඵම කාරක සභාවේ සභාපති ලෙස ගාමිණී රත්නායක මහතාගේ නම යෝජනා කර ස්ථිර කර ඇත්තේ පාර්ලිමේන්තු මන්ත්රීවරයන් වන මනෝජ් රාජපක්ෂ සහ අජිත් ගිහාන් යන මහත්වරුන් විසින්.
එහිදී වෙනත් කිසිදු නමක් යෝජනා වී නොතිබූ බව සඳහන්.
