විස්සයි විස්ස ලෝක කුසලාන ක්රිකට් තරගාවලියේ අමෙරිකා එක්සත් ජනපද කණ්ඩායම සහ නෙදර්ලන්ත කණ්ඩායම අතර තරගයෙන් ලකුණු 93ක දැවැන්ත ජයක් අත් කරගැනීමට අමෙරිකා එක්සත් ජනපද කණ්ඩායම සමත්ව තිබෙනවා.
තරගාවලියේ 21 වන තරගය ලෙසින් මෙම තරගය ඊයේ(13) රාත්රී ඉන්දියාවේ චෙන්නායි එම්.ඒ. චිදම්බරම් ක්රීඩාංගණයේදී පැවැත්වුණා.
තරගයේ කාසියේ වාසිය දිනාගත් නෙදර්ලන්ත කණ්ඩායම පළමුවෙන් පන්දු රැකීමට තීරණය කළා.
ඒ අනුව පන්දුවට පහරදීමට පිටියට පැමිණි අමෙරිකා එක්සත් ජනපද ක්රිකට් කණ්ඩායම නියමිත පන්දුවාර 20 අවාසනයේ ලකුණු 196ක් ලබාගැනීමට සමත් වූවා.
අමෙරිකා එක්සත් ජනපද කණ්ඩායම වෙනුවෙන් Shubham Ranjane නොදැවී පන්දුවට පහරදෙමින් ලකුණු 48ක් රැස් කර ගැනීමට සමත් වූවා.
මීට අමතරව Saiteja Mukkamalla ලකුණු 79ක්ද කණ්ඩායමේ නායක Monank Patel ලකුණු 36ක්ද ලබාගැනීමට සමත් වූවා.
Shayan Jahangir හට ලබාගැනීමට හැකි වූයේ ලකුණු 20ක් පමණයි.
සෙසු කිසිදු ක්රීඩකයෙක් ලකුණු 10 සීමාවෙ පසු කිරීමට සමත් වූයේ නැහැ.
පන්දු යැවීමේදී නෙදර්ලන්ත කණ්ඩායම වෙනුවෙන් Bas de Leede කඩුලු 3ක් දවා ගැනීමට සමත් වූවා.
එසේම Logan van Beek, Kyle Klein සහ Fred Klaassen එක් කඩුල්ල බැගින් දවා ගැනීමට සමත් වූවා.
ලකුණු 197ක ජයග්රාහී ඉලක්කයක් හඹා යාමට පිටියට පැමිණි නෙදර්ලන්ත කණ්ඩායමට පන්දුවාර 15.5කදී සියලුම දෙනා දැවී ලබාගත හැකි වූයේ ලකුණු 103ක් පමණයි.
ඒ අනුව නෙදර්ලන්ත කණ්ඩායම වෙනුවෙන් Bas de Leede ලකුණු 23ක්ද නායක Scott Edwards ලකුණු 20ක්ද Max O’Dowd ලකුණු 13ක්ද ලබාගැනීමට සමත් වූවා.
ලකුණු 10ක් ලබාගැනීමට Roelof van der Merwe සමත් වූ අතර සෙසු කිසිදු ක්රීඩකයෙක් ලකුණු 10 සීමාව පසු කිරීමට සමත් වූවේ නැහැ.
පන්දු යැවීමේදී අමෙරිකා එක්සත් ජනපද කණ්ඩායම වෙනුවෙන් කඩුලු හතරක් බිඳ හෙළීමට Harmeet Singh සමත් වූවා.
එසේම Shadley van Schalkwyk දවාගත් කඩුලු සංඛ්යාව තුනක්.
Mohammad Mohsin කඩුලු දෙකක්ද Nosthush Kenjige එක් කඩුල්ලක්ද දවා ගැනීමට සමත් වූවා.
