පාර්ලිමේන්තු මන්ත්රී නාලක ගොඩහේවා මහතා ඇතුළු විත්තිකරුවන් තිදෙනෙක් නිදොස් කොට නිදහස් කරන ලෙස කොළඹ මහාධිකාරණ විනිසුරු අමල් රණරාජා මහතා විසින් නියෝග කර තිබෙනවා.
ඒ ශ්රී ලංකා විනිමය හා සුරැකුම් කොමිසමේ සභාපතිවරයා ලෙස කටයුතු කරමින් සිටියදී තාරුණ්යයට හෙටක් සංවිධානය සඳහා එම කොමිසමේ අරමුදල්වලින් රුපියල් ලක්ෂ පනහක් ලබාදීම තුළින් රජයේ මුදල් සාපරාධී පරිහරණය කළ බවට එල්ල වූ චෝදනා සම්බන්ධයෙනි.
දීර්ඝ නඩු විභාගයකින් අනතුරුව මහාධිකරණය විනිසුරුවරයා මෙම තීන්දුවට ප්රකාශයට පත් කර තිබෙනවා.
පැමිණිල්ල විසින් විත්තිකරුවන්ට එරෙහි චෝදනා ඔප්පු කිරීමට ඉදිරිපත් කළ සාක්ෂි ප්රමාණවත් නොවන බවයි තීන්දුව ප්රකාශයට පත් කරමින් කොළඹ මහාධිකරණ විනිසුරු අමල් රණරාජා මහතා සඳහන් කළේ.
ඒ අනුව විත්තිකරුවන් නිදොස් කොට නිදහස් කරන ලෙසයි නියෝග කෙරුණේ.
විනිමය හා සුරැකුම්පත් කොමිසමේ හිටපු නියෝජ්ය අධ්යක්ෂ ජනරාල් ධම්මික පෙරේරා සහ තාරුණ්යයට හෙටක් සංවිධානයේ රොනී ඊබ්රහිම් යන මහත්වරුන් නිදහස් කරන ලද සෙසු විත්තිකරුවන් වනවා.
නාලක ගොඩහේවා මහතා ඇතුළු විත්තිකරුවන් තිදෙනාට එරෙහිව නීතිපතිවරයා විසින් එම නඩුව ගොනුකර තිබුණේ ඉකුත් යහපාලන ආණ්ඩුව සමයේදීයි.
