දීපාවලි සැමරුම් උත්සව හේතුවෙන් ඉන්දියාවේ දිල්ලි නගරයේ වායු තත්ත්වය දූෂිත මට්ටමට ළඟා වී ඇති බව එරට මාධ්‍ය වාර්තා කරනවා.
ඉන්දියාවේ වායු තත්ත්ව කළමනාකරණ කොමිසම සඳහන් කරන්නේ දීපාවලි සැමරුම් හේතුවෙන් මේ වන විට දිල්ලි නගරයේ වායු තත්ත්වය අතිශය දූෂිත මට්ටමට ළඟා වී තිබෙන බවයි.
වායු දූෂණය ඉහළ යාම සමග ශ්වසන ආබාධ සහිත පුද්ගලයින් හා කුඩා ළමුන් මෙන්ම වයස්ගත පුද්ගලයින් අවධානයෙන් කටයුතු කළ යුතු බවයි එම කොමිසම නිවේදනය කරන්නේ.
