ත්‍රිවිධ හමුදා සාමාජිකයන්ගේ ආහාර සලාක මුදල මාසික වේතනයට එකතුකරන්න – ප්‍රමිත බණ්ඩාර තෙන්නකෝන් රජයෙන් ඉල්ලයි
අපේ රජය විසින් ත්‍රිවිධ හමුදා සාමාජිකයන්ගේ ආහාර සලාක මුදල ලබන ජනවාරියේ සිට ත්‍රිවිධ හමුදා සාමාජිකයන්ගේ මාසික වේතනයට එක්කිරීමට තීරණය කර තිබුණු බව හිටපු ආරක්ෂක අමාත්‍ය ප්‍රමිත බණ්ඩාර තෙන්නකෝන් මහතා ප්‍රකාශ කළේය.
ආහාර සලාක මුදල ඔවුන්ගේ වැටුපට එක්කිරීම සම්බන්ධයෙන් ත්‍රිවිධ හමුදා සාමාජිකයන් නිරන්තරයෙන් ප්‍රමිත බණ්ඩාර තෙන්නකෝන් මහතාගෙන් ඉල්ලීම් කර තිබුණි. එබැවින් වත්මන් රජය ත්‍රිවිධ හමුදා සාමාජිකයන්ට හා සිවිල් ආරක්ෂක බලකායට ඔවුන්ගේ ඉල්ලීම් ලබා දෙන ලෙස හිටපු ආරක්ෂක අමාත්‍ය ප්‍රමිත බණ්ඩාර තෙන්නකෝන් ඉල්ලා සිටී.
තවද ත්‍රිවිධ හමුදා සාමජිකයන්ට සහ සිවිල් ආරක්ෂක බලාකායේ සාමජිකයන්ට
වත්මන් වැටුප් ක්‍රමය සංශෝධනය කරමින් ඔවුන්ගේ වැටුප ජීවනාලිය ශක්තිමත් කර ගැනීමට හැකි අයුරින් වත්මන් ආර්ථිකය අනුව වැඩි කිරීමටද ප්‍රමිත බණ්ඩාර තෙන්නකෝන් මහතා එවකට තීරණය කර තිබුණි.
ඒ අනුව යමින් වත්මන් රජයද, ජාතියට මහඟු සේවයක් ඉටුකල ත්‍රිවිධ හමුදා සාමාජිකයන්ගේ වැටුප ඔවුන්ට ජීවත්වීමට සරිලන ලෙස වැඩිකර දෙන ලෙස ප්‍රමිත බණ්ඩාර තෙන්නකෝන් මහතා ඉල්ලා සිටී.
Array
