ඕමානයේ ජාතික ආරක්ෂක කවුන්සිලයේ මහ ලේකම් මේජර් ජෙනරාල් ඉද්රිස් අබ්දුල්ලා රහමන් ඉන්දියාවට පැමිණ තිබෙනවා .
ඒ සිව්දින නිල සංචාරයක් සදහායි.
එහිදී ඔහු ඉන්දියාවේ පැවැති ඉන්දු – ඕමාන උපායමාර්ගික සංවාදය සදහා සහභාගී වූ බවයි විදෙස් මාධ්‍ය වාර්තා කළේ.
මෙවර පැවැත්වුණේ එහි අටවන අදියරයි.
එහිදී උපායමාර්ගික හවුල්කාරීත්වය ඔස්සේ ත්‍රස්තවාදයට එරෙහිව කටයුතු කිරීම සම්බන්ධයෙන් දෙපාර්ශවය අතර සාකච්ඡා පැවැති බවයි විදෙස් මාධ්‍ය වාර්තා කළේ.
ඊට අමතරව ද්විපාර්ශවික උපාය මාර්ග සහ ආරක්ෂක සහයෝගිතාව මෙන්ම කලාපීය ආරක්ෂාව සම්බන්ධයෙන් ද එහිදී දෙපාර්ශවයේ අවධානය යොමුව තිබෙනවා.
එමෙන්ම ඉන්දියාව සහ ඕමාන නියෝජිතයන් එහිදී ත්‍රස්තවාදයේ සියලු ප්‍රකාශන තරයේ හෙළ දැක ඇති අතර ත්‍රස්තවාදයට එරෙහිව සටන් කිරීම සදහා සාමූහිකව කටයුතු කිරීමේ අවශ්‍යතාව ද අවධාරණය කර ඇති බවයි විදෙස් මාධ්‍ය පැවසුවේ.
ඉන්දියාව සහ ඕමානය අතර මීළග උපාය මාර්ගික සංවාදය 2024 වසරේදී ඕමානයේ පැවැත්වීමටයි සැලසුම් කර ඇත්තේ.
