ශ්‍රී ලංකා දැල්පන්දු පිටියේ බිහි වූ ශ්‍රේෂ්ඨතම ක්‍රීඩිකාවක් ලෙස සැලකෙන තර්ජිනී සිවලිංගම් ශ්‍රී ලංකා දැල්පන්දු පිටියෙන් සමුගැනීමට තීරණය කළ බව ප්‍රකාශ කර තිබෙනවා.
සිය සමාජ මාධ්‍ය ගිණුම ඔස්සේ නිවේදනයක් නිකුත් කරමිනුයි ඇය මේ බව සදහන් කර ඇත්තේ.
2009 වසරේ ජාත්‍යන්තර වරම් දිනා ගත් තර්ජිනී සිවලිංගම් ශ්‍රී ලංකාව නියෝජනය කරමින් වැඩිම ජාත්‍යන්තර තරග සංඛ්‍යාවක් ක්‍රීඩා කළ ක්‍රීඩිකාව වන අතර, ඇය 2019 වසරේ ලෝක කුසලානයේ වැඩිම ලකුණු ලබා ගත් ක්‍රීඩිකාව ද වනවා.
එමෙන්ම ශ්‍රී ලංකා කණ්ඩායමට ආසියානු කුසලාන කිහිපයක්ම දිනා ගැනීමට විශාල දායකත්වයක් සැපයූ ඇය නිමා වූ 2022 ආසියානු කුසලානයේ දී ද ශ්‍රී ලංකාව වෙනුවෙන් ඉහළ දස්කම් දැක්වූවා.
