දිවයින පුරා පිහිටි පුරාවිද්යා ස්ථාන දහසක් සංරක්ෂණය කිරීමේ ජාතික වැඩසටහන සහ ඊට සමගාමීව සංවිධානය කර ඇති පුරාවිද්යා දෙසතිය අදින් ආරම්භ වනවා.
බුද්ධ ශාසන, ආගමික සහ සංස්කෘතික කටයුතු නියෝජ්ය අමාත්ය ගමගෙදර දිසානායක මහතා ප්රකාශ කළේ මෙරට ඓතිහාසික හා පුරාවිද්යාත්මක වටිනාකම් සහිත ස්ථාන හඳුනාගෙන ඒවායේ කැණීම්, ගවේෂණ සහ සංරක්ෂණ කටයුතු කඩිනම් කිරීම මෙම වැඩසටහනේ මූලික අරමුණ බවයි.
සමස්ත ව්යාපෘතිය යටතේ පුරාවිද්යා ස්ථාන 1,000ක් සංරක්ෂණය කිරීමට නියමිතව තිබෙනවා.
එහි පළමු පියවර ලෙස හඳුනාගත් ස්ථාන 100ක වැඩකටයුතු ආරම්භ කිරීමට නියමිතව ඇති බවද නියෝජ්ය අමාත්යවරයා අවධාරණය කළා.
පුරාවිද්යාත්මක ස්ථාන සුරැකීම සඳහා මහජනතාවගේ දායකත්වය ඉහළ නැංවීමේ අරමුණින්, අදාළ ප්රදේශ කේන්ද්ර කරගනිමින් ”ප්රජා සංරක්ෂණ කමිටු” පිහිටුවීමට ද මෙහිදී පියවර ගෙන තිබෙනවා.
මෙම ප්රජා සංරක්ෂණ කමිටු හරහා ඉදිරිපත් වන යෝජනා සහ අදහස්, පුරාවිද්යා දෙපාර්තමේන්තුවේ තාක්ෂණික නිලධාරීන්ගේ උපදෙස් හා සෘජු මැදිහත්වීම මත ක්රියාවට නැංවීමටයි සැලසුම් කර ඇත්තේ.
