නාමල් රාජපක්ෂ මහතා පොහොටේටුවේ ජනාධිපති ධුර අපේක්ෂකයා ලෙස නම් කළහොත් ඔහුට උදව් නොකර දේශපාලනයෙන් නිහඬ වෙන බව ආණ්ඩු පක්ෂ ප්රධාන සංවිධායක නාගරික සංවර්ධන හා නිවාස අමාත්ය ප්රසන්න රණතුංග මහතා පවසනවා.
ගම්පහ දිස්ත්රික්කයේ හිටපු පලාත් පාලන ප්රධානීන් සමග උඩුගම්පළ දේශපාලන කාර්යලේයදී අප්රේල් මස 2 වනදා පැවැති සාකච්ඡාවකදී අමාත්යවරයා කියා සිටියේ විරුද්ධවාදීන් කුමක් කීවද එක්සත් ජාතික පක්ෂයට සම්බන්ධවීමට තමන්ගේ කිසිදු සූදානමක් නොමැති බවයි.
නාමල් රාජපක්ෂ මහතා ජනාධිපති අපේකෂක ලෙස නම් කිරීමට පොදුජන පෙරමුනේ සාකච්ඡාවක් නැතැයි ද කී රණතුංග මහතා ඔහුට ජනාධිපතිවීමට තව කල් තිබෙන බවද කියා සිටියා.
ජනාධිපති රනිල් වික්රමසිංහ මහතා අලියා ලකුණින් ඉදිරි ජනාධිපතිවරණයට ඉදිරිපත් වුවහොත් තමා ඔහුට උදව් කිරිමෙන් වැළකී සිටින බවද රණතුංග මහතා වැඩිදුරටත් පවසනවා.
අලියා ලකුණු හෝ පොහොට්ටුව ලකුණු නොවන සියලුම දෙනාට එකඟවිය හැකි පොදු ලකුණකින් ජාතික අපේක්ෂකයකු ලෙස වත්මන් ජනාධිපතිවරයා ජනාධිපතිවරණයට ඉදිරිපත් විය යුතු බවද අමාත්යවරයා පවසනවා.
රනිල් වික්රමසිංහ මහතාට නැවත වරක් ජනාධිපති ධුරයට පත්වීමට නම් ඔහුට ඒ සඳහා ශ්රී ලංකා පොදුජන පෙරමුණේ සහයෝගය අත්යවශ්ය වන බවද අමාත්යවරයා මෙහිදී පෙන්වා දුන්නා.
මේ වන විට පක්ෂයේ 80%ක් පමණ ජනාධිපතිවරණයේදී වත්මන් ජනාධිපතිවරයාට සහය දියයුතුය යන මතයේ සිටින බව කී රණතුංග මහතා දැනටමත් ජනාධිපතිවරණය හා අපේක්ෂකත්වය සම්බන්ධයෙන් පක්ෂයේ ඉහළ මට්ටමේ නායකයන් ජනාධිපතිවරයා සමග සාකච්ඡාවක් පවත්වන බවත් ඒ සාකච්ඡාවේ ප්රතිඵලය අනුව පක්ෂය නිවැරදිම තීන්දුව ගන්නා බවත් අමාත්යවරයා වැඩිදුරටත් කියා සිටියා.
