ගිරිඋල්ල , කුරුණෑගල ප්රධාන මාර්ගයේ රථ වාහන ධාවනය අද රාත්රී 9 සිට හෙට අලුයම 2 දක්වා සිමා කරන බව පොලිසිය පවසනවා.
ඒ, දඹදෙණිය ශ්රී විජේසුන්දරාරාම විහාරස්ථානයේ වාර්ෂික දළඳා පෙරහැර විදි සංචාරය කිරීම හේතුවෙන්.
ගිරිඋල්ල කුරුණෑගල ප්රධාන මාර්ගයේ මාපා ගෙදර හංදියේ සිට දඹදෙණිය සමූපාකාර ඉන්ධන පිරවුම්හල දක්වා පෙරහැර නැරඹිමට පැමිණෙන ජනතාව හා මාර්ගයේ ගමන් ගන්නා වාහන හේතුවෙන් යම් මාර්ග අවහිරතාවක් ඇති විමට හැකි බවයි පොලිසිය පෙන්වා දෙන්නේ.
ඒ අනුව, ගිරිඋල්ල නාරම්මල ප්රධාන මාර්ගයේ නාරම්මල දෙසට පැමිණෙන සියලුම බර වාහන දම්පැලැස්ස හංදියෙන් ධාවනය කර අලව්ව මාර්ගයට පිවිසිය හැකියි.
නාරම්මල දෙසට පැමිණෙන සියලුම සැහැල්ලු වාහන මුතුගල හංදියෙන් පොතුපිටිය කුඩගම්මන මාර්ගය ඔස්සේ අලව්ව ප්රධාන මාර්ගයට පිවිසිය හැකි බවයි පොලිසිය සඳහන් කලේ.
මීගමුව නාරම්මල මාර්ගයේ කුරුණෑගල දෙසට ධාවනය කරන සියලුම වාහන මාහරගම හංදිය හරහා අලව්ව ප්රධාන මාර්ගයට පිවිසිය හැකි බවද පොලිසිය වැඩිදුරටත් සඳහන් කළා.
මේ අතර කබුළුමුල්ල රජමහා පත්තිනි දේවාලයේ වාර්ෂික ඇසළ පෙරහැර වෙනුවෙන් කෑගල්ල අවිස්සාවේල්ල මාර්ගයේ රථවාහන ගමනාගමනයද සීමා කිරීමට කටයුතු කර තිබෙනවා.
අද රාත්රී 09.00 සිට හෙට අලුයම 03.00 දක්වා කාලය තුළ පෙරහැර නැරඹීට පැමිණෙන ජනතාව හා එදිනෙදා මාර්ගයේ ගමන් ගන්නා වාහන හේතුවෙන්, කෑගල්ල අවිස්සාවේල්ල මාර්ගයේ යම් මාර්ග අවහිරතාවයක් ඇති වීමට ඉඩ ඇති බැවින් එම කාලය තුළ විකල්ප මාර්ග භාවිත කරන ලෙසයි පොලීසිය මහජනතාවගෙන් සහ රියදුරන්ගෙන් ඉල්ලා සිටින්නේ.
