පලස්තීනයේ ගාසා තීරයේ මධ්‍යම ප්‍රදේශයෙන් ඉවත් වන ලෙස ඊශ්‍රායලය සාමාන්‍ය වැසියන්ට දැනුම් දී තිබෙනවා.
ගාසා තීරයේ මධ්‍යම ප්‍රදේශයේ නුසෙයිරත් ප්‍රදේශයට ඊශ්‍රායලය එල්ල කළ ප්‍රහාරයකින් ඊයේ දිනයේ සාමාන්‍ය වැසියන් 12 දෙනෙකු ජීවිතක්ෂයට පත්වුණා.
ඒ සමගයි ඊශ්‍රායලය සාමාන්‍ය වැසියන්ට එම ප්‍රදේශයෙන් ඉවත් වෙන ලෙස දැනුම් දී ඇත්තේ.
එමෙන්ම එම ප්‍රදේශය ඉලක්ක කර ගනිමින් ඊශ්‍රායලය ප්‍රහාර එල්ල කිරීමට මේ වනවිට සූදානම්ව සිටින බවද සඳහන්.
ඊශ්‍රායලයේ එම නියෝගයත් සමග ගාසා තීරයේ මධ්‍යම ප්‍රදේශයේ රැදී සිටින දහස් ගණනක් අවතැන් ජනතාව තවත් පීඩාවට ලක්ව ඇති බව සහන කණ්ඩායම් නිවේදනය කරනවා.
අවතැන් ජනතාව හේතුවෙන් හටගෙන ඇති අර්බුදකාරී තත්ත්වය තවදුරටත් ඉහළ යාම මේ සමග සිදුවිය හැකි බවට ද ඔවුන් අනතුරු අඟවනවා.
Array
