ගිනි අවියකින් වෙඩි තබා මනුෂ්ය ඝාතනයකට තැත් කිරිමේ අපරාධයකට ආධාර අනුබල දුන් සැකකරුවෙක් අයිස් මත්ද්රව්ය සමග ගල්කිස්ස කොට්ඨාස අපරාධ විමර්ශන කාර්යාංශය විසින් අත්අඩංගුවට ගෙන තිබෙනවා.
කොහුවල, බෝධියත්ත ප්රදේශයේ නිවසක් ඉදිරිපිටදී යතුරු පැදියකින් පැමිණි නාඳුනන පුද්ගලයින් දෙදෙනෙකු විසින් වෙඩි තබා තරුණියකට තුවාල සිදුකර මනුෂ්ය ඝාතනයට තැත් කිරීමේ අපරාධය සම්බන්ධයෙන් ගල්කිස්ස කොට්ඨාස අපරාධ විමර්ශන කාර්යාංශය විසින් සිදු කරන ලද විමර්ශනවලට අදාළව මෙම සැකකරු අත්අඩංගුවට ගෙන තිබෙනවා.
ඒ අනුව එම කාර්යාංශයේ නිලධාරීන් කණ්ඩායමක් විසින් ඊයේ(06) බඩෝවිට 03 අදියර ප්රදේශයේ දී අපරාධය සිදු කිරීම සඳහා පැමිණි යතුරු පැදිය අපරාධකරුවන් වෙත ලබාදී ආධාර අනුබල දුන් සැකකරුවෙක් අයිස් මත්ද්රව්ය ග්රෑම් 15ක් සමග අත්අඩංගුවට ගෙන ගල්කිස්ස පොලිස් ස්ථානය වෙත භාරදී තිබෙන බවයි පොලිසිය පවසන්නේ.
මෙලෙස් අත්අඩංගුවට ගෙන ඇත්තේ දෙහිවල ප්රදේශයේ පදිංචි වයස අවුරුදු 32ක් පමණ වූ අයෙක් බවද පොලිසිය කිය සිටියා.
ගල්කිස්ස පොලිසිය වැඩිදුර විමර්ශන සිදු කරනු ලබනවා.
