බගවන්තලාව කෙසෙල්ගමු ඔයේ තිබි අලුත උපන් හෝ ගබ්සාවක් කරන ලද බිලිදියකගේ මල සිරුරක් සොයාගෙන තිබෙනවා.
බගවන්තලාව ලොයිනොන් වතුයායේ දමිල මහා විදුහල අසලින් ගලා බසින කෙසෙල්ගමු ඔයේ බිලිදු මලසිරුරක් ඇති බවට එම වතුයායේ පදිංචි වතු කම්කරුවන් විසින් බගවන්තලාව පොලිසිය වෙත කල දැනුම් දිමක් මතයි සිරුර සොයාගෙන ඇත්තේ.
දරු ප්රසුතියෙන් පසු බිලිදියගේ සිරුර කෙසෙල්ගමු ඔයට ගෙනවිත් දැමුවාද නැතහොත් ගබ්සාවකින් පසු බිලිදිය කෙසෙල්ගමු ඔයට ගෙනවිත් දැමුවාද යන්න පිලිබදව බගවන්තලාව පොලිසිය පරික්ෂණ ආරම්භ කර තිබෙනවා.
ගොඩගත් සිරුර දින තුනකට පමණ ඉහතදි ප්රසුත කල හෝ ගබ්සා කල බිලිදියක් බවට සක කෙරෙන අතර පශ්චාත් මරණ පරික්ෂණය සදහා බිලිඳු සිරුර දික් ඔය මුලික රෝහලේ විශේෂඥ වෛද්යවරිය වෙත යොමු කර ඇති බවයි අප වාර්තාකරු සඳහන් කලේ.
මේ අතර යාපනය ශික්ෂණ රෝහලේ ඉහළ මහලයක සිට පහළට වැටි තිබු බිලිදු මළ සිරුරක් හමුවී තිබෙනවා.
අදාල බිලිදු මළ සිරුර, කඩා වැටුණු ජල නලයක් තුළින් වැටි ඇති බවට අනාවරණය වී ඇති බවයි පොලිසිය සඳහන් කලේ.
ඒ අනුව බිලිදා ප්රසුත කිරීමෙන් අනතුරුව මෙසේ විසි කරන්නට ඇති බවට සැක මතුව ඇති අතර යාපනය රෝහල් පොලීසිය සිද්ධිය සම්බන්ධයෙන් වැඩිදුර විමර්ෂණ සිදු කරණු ලබනවා.
