උමාඔය බහුකාර්ය සංවර්ධන ව්යාපෘතියේ ප්රතිලාභ රටටත්, ජනතාවටත් අත්කර දීමට හැකි වීම සුවිශාල ජයග්රහණයක් බව වාරිමාර්ග, වනජීවි සහ වන සංරක්ෂණ අමාත්ය නීතිඥ පවිත්රා වන්නිආරච්චි මහත්මිය පවසයි.
උමාඔය බහුකාර්ය සංවර්ධන ව්යාපෘතිය විවෘත කිරීමේ උත්සවයට අදාළ සංවිධාන කටයුතු සම්බන්ධයෙන් පැවති සාකච්ඡාවෙන් අනතුරුව වැල්ලවාය කරඳගොල්ල ප්රදේශයේ භූගත විදුලි බලාගාරය නිරීක්ෂණයට සහභාගි වෙමින් අමාත්යවරිය මේ බව සඳහන් කළාය.
ජනාධිපති රනිල් වික්රමසිංහ මහතාගේ සහ ඉරාන ජනාධිපති ආචාර්ය සෙයිඩ් ඉබ්රහීම් රයිසි ( Dr. SEYYED IBRAHIM RAISI) මැතිතුමා ගේ ප්රධානත්වයෙන් එළඹෙන අප්රේල් 24 දින උමාඔය බහුකාර්ය සංවර්ධන ව්යාපෘතිය විවෘත කිරීමේ උත්සවයට අදාළ සංවිධාන කටයුතු සම්බන්ධයෙන් විශේෂ සාකච්ඡාවක් උමාඔය බලාගාර පරිශ්රයේ දී පැවැත්විණි.
වාරිමාර්ග, වනජීවි සහ වන සංරක්ෂණ අමාත්ය නීතිඥ පවිත්රා වන්නිආරච්චි මහත්මියගේ සහ ශ්රී ලංකාවේ ඉරාන තානාපති ආචාර්ය අලිරේශා (Dr. Alireiza Delkhosh ) ඩෙල්කොෂ් මහත ගේ ප්රධානත්වයෙන් මෙම සාකච්ඡාව සිදු කෙරිණි.
උමාඔය බහුකාර්ය සංවර්ධන ව්යාපෘතිය ජනතා අයිතියට පැවැරීමේ උත්සව අවස්ථාව සඳහා ඉරාන ජනාධිපතිවරයා ගේ පැමිණිමට අදාළව සියලු කටයුතු පිළිබඳව මෙහිදී ගැඹුරින් සාකච්ඡා කෙරිණි.
මෙගාවොට් 120 ක ජල විදුලි බලයක් නිෂ්පාදනය කිරීම ට අමතරව බදුල්ල සහ මොණරාගල දිස්ත්රික්කයන් හි කුඹුරු අක්කර 15000 කට යල මහ දෙකන්නයේ ම වගා කටයුතු සඳහා ජලය සැපයීමට හැකිවීමත්, බදුල්ල, මොණරාගල සහ බණ්ඩාරවෙල ප්රදේශවල පානීය ජල අවශ්යතාවට තිරසාර විසඳුමක් ලබා දීමටත් උමාඔය බහුකාර්ය සංවර්ධන ව්යාපෘතිය මඟින් අවකාශ සැලසේ.
