වසර පහකට ආසන්න කාලයකට පසු ඉන්දියාව සහ චීනය සෘජු ගුවන් සේවා නැවත ආරම්භ කිරීමට එකඟ වී ඇති බව ඉන්දීය විදේශ අමාත්යාංශය ප්රකාශ කරනවා.
පසුගිය 2020 වසරේදී හිමාලයානු දේශසීමාවේ ඇතිවූ මාරාන්තික හමුදා ගැටුමකින් පසු රටවල් දෙක අතර ගුවන් ගමන් ඇනහිටියා.
ඔවුන්ගේ ගුවන් ගමන් පිළිබඳ රාමුවක් සකස් කර ගැනීමට ඉන්දියාවේ ඉහළම රාජ්ය තාන්ත්රික සහ චීන විදේශ අමාත්ය වැන්ග් යී අතර ඉතා ඉකමනින් සාකච්ඡාවක් පැවැත්වෙන බව සඳහන්.
චීන විදේශ අමාත්යාංශය මෙය තහවුරු කර ඇති අතර, දෙරට අතර මාධ්යවේදීන් හුවමාරු කර ගැනීම සඳහාද එකඟතාවක් ඇතිව තිබෙනවා.
2020 ගැටුමෙන් පසු දෙරට අතර ආතතීන් උත්සන්න වූ අතර, ඉන් පසුව ඉන්දියාව චීන සමාගම්වලට ඉන්දියාව තුළ ආයෝජනය කිරීම දුෂ්කර කෙරුණා.
ජනප්රිය චීන සමාජ මාධ්ය යෙදුම් විශාල ප්රමාණයක් තහනම් කෙරුණු අතර, රටවල් අතර සෘජු භාණ්ඩ ප්රවාහන ගුවන් ගමන් පමණක් දිගටම වූවා.
කෙසේ වෙතත් මෙම නව සහයෝගීතාව මගින් ටිබෙටයට වන්දනා ගමන් නැවත ආරම්භ කිරීම සඳහා රටවල් අතර එකඟතාව පළ වී ඇති බව විදෙස් මාධ්ය වාර්තා කරනවා.
