ආසියාවේ ධනවත්ම පුද්ගලයා වන ගෞතම් අදානි ට එරෙහිව කොටස් වෙළෙඳපොළ සහ ගිණුම් වංචා කර ඇති බවට චෝදනා කරමින් අමෙරිකානු ආයෝජන සමාගමක් වාර්තාවක් නිකුත්කර තිබෙනවා.
ඊට ප්රතිචාර දක්වමින් අදානි සමුහය පවසන්නේ එම වාර්තාවේ සඳහන් කරුණු ද්වේෂසහගත මෙන්ම ව්යාජ තොරතුරු මත පදනම්ව නිකුත් කර ඇති බවයි.
කෙසේ වෙතත් හින්ඩන්බර්ග් රිසර්ච් නම් ආයතනය නිකුත් කල වාර්තාව සමගින් අදානි සමුහය ට කොටස් වටිනාකම ඩොලර් බිලියන 11ක් පමණ අහිමිව ගොස් ඇති බව සඳහන්.
වාර්තාව සම්බන්ධයෙන් නීතිමය පියවර ගැනීමට නියමිත බව අදානී සමාගම පවසනවා.
අදානි සමුහය – ඉන්දියාවේ විශාලතම සමාගමක් වන අතර, භාණ්ඩ වෙළඳාම, ගුවන් තොටුපළ, උපයෝගිතා සහ පුනර්ජනනීය බලශක්තිය ඇතුළු පුළුල් පරාසයක කර්මාන්තවල මෙහෙයුම් ක්රියාත්මකයි.
ගෞතම් අදානි – ලෝකයේ සිව්වන ධනවත්ම පුද්ගලයා වන ඉන්දීය ප්රකෝටිපතියෙකු ද වනවා.
