ඊශ්රායලය සහ ඉරානය වෙහෙසට පත්ව සිටියද දෙරට අතර ගැටුම නැවත ආරම්භ විය හැකි බව අමෙරිකානු ජනාධිපති ඩොනල්ඩ් ට්රම්ප් පවසනවා. නෙදර්ලන්තයේ හේග් නුවර පැවැත්වෙන නේටෝ සමුළුවට සමගාමීව පැවැති ප්රවෘත්ති සාකච්ඡාවකට එක්වෙමින් අමෙරිකානු ජනාධිපතිවරයා පෙන්වා දුන්නේ, ඉරානය සමග ලබන සතියේ සාකච්ඡා පැවැත්වීමටද තම පරිපාලනය සැලසුම් කර ඇති බවයි. ඉරාන න්යෂ්ටික මධ්යස්ථානවලට එක්සත් ජනපදය ප්රහාරයක් එල්ල කිරීමට ද හේතු වූයේ දෙරට අතර සාකච්ඡා අසාර්ථක වීම බවයි විදෙස් වාර්තාවල දැක්වෙන්නේ. එම සාකච්ඡා ලබන සතියේ යළිත් පැවැත්වීමට තම පරිපාලනය සැලසුම් කර ඇති බව අමෙරිකානු ජනාධිපතිවරයා වැඩිදුරටත් පවසා තිබෙනවා.
