අලුත් අවුරුදු කාලසීමාව තුළ හදිසි අනතුරු හේතුවෙන් දිනකට රෝහල්ගත වූ රෝගීන් ප්‍රමාණය සියයට 50කින් අඩුවී ඇති බව ශ්‍රී ලංකා ජාතික රෝහලේ හදිසි අනතුරු අංශයේ අධ්‍යක්ෂ වෛද්‍ය ඉන්දික ජාගොඩ මහතා පවසනවා.
එහිදී ඔහු කියා සිටියේ සාමාන්‍යයෙන් හදිසි අනතුරු අංශය සඳහා දිනකට රෝගීන් තුන්සීයක් පමණ රෝහල්ගත වන බවත් මෙවර 13 සහ 14 යන දෙදින තුළදී රෝගීන් 160ත් -165ත් අතර ප්‍රමාණයක් හදිසි අනතුරු අංශයෙන් ප්‍රතිකාර ලබා ගැනීමට පැමිණ ඇති බවයි.
මෙහිදී නිවෙස් තුළ වැටීම්, රිය අනතුරු, ක්‍රීඩා අනතුරු සහ ගිණිකෙළි හේතුවෙන් ප්‍රතිකාර ලබා ගැනීමට හදිසි අනතුරු ඒකකයට රෝගීන් ඇතුළත් වන බවද අධ්‍යක්ෂවරයා සඳහන් කළා.
ගිනිකෙළි හේතුවෙන් පසුගිය වර්ෂයේ මෙන්ම මෙම වර්ෂයේත් තිදෙනෙකු රෝහල් ගත වී ඇති බවයි ජාතික රෝහලේ හදිසි අනතුරු අංශයේ අධ්‍යක්ෂ වෛද්‍ය ඉන්දික ජාගොඩ මහතා වැඩිදුරටත් පෙන්වා දෙන්නේ.
Array
