අත්අඩංගුවට ගැනුණු සැකකරුවෙකුගෙන් අපරාධ රැසක් සම්බන්ධයෙන් තොරතුරු රැසක් අනාවරණය කර ගැනීමට බම්බලපිටිය පොලිසිය සමත්ව තිබෙනවා.
ඒ පසුගිය 8 වනදා බම්බලපිටිය පොලිසියේ නිලධාරින් කණ්ඩායමක් විසින් අයිස් මත්ද්රව්ය සන්තකයේ තබාගෙන සිටි වයස අවුරුදු 32ක් පමණ වන බත්තරමුල්ල ප්රදේශයේ පදිංචිකරුවෙක් අත්අඩංගුවට ගෙන අධිකරණයට ඉදිරිපත් කර වැඩිදුර විමර්ශන සඳහා රැඳවුම් නියෝග ලබාගෙන සිදු කරන ලද ප්රශ්න කිරීම්වලින් බවයි පොලිසිය පවසන්නේ.
සැකකරු සම්බන්ධව සිදු කළ වැඩිදුර විමර්ශනයේදී බම්බලපිටිය, නාරාහේන්පිට, පෑලියගොඩ, දෙමටගොඩ, තලංගම, ගොතටුව, මරදාන, කුරුඳුවත්ත, බොරැල්ල සහ වැලිකඩ යන පොලිස් බලප්රදේශයන්හි යතුරු පැදි සොරකම් අටක් ලැප්ටොප් හා ජංගම දුරකථන ඇතුළු දේපළ සොරකම් කිරීම් රැසක් මොහු විසින් සිදු කර ඇති බවට අනාවරණ වී ඇති බවයි පොලිසිය කියා සිටියේ.
සොරකම් කරන ලද යතුරු පැදි කිහිපයක්, ලැප්ටොප් ඇතුළු දේපළ විමර්ශන නිලධාරීන් විසින් සොයාගෙන ඇති අතර සැකකරු අද (14) දින අළුත්කඩේ මහේස්ත්රාත් අධිකරණය වෙත ඉදිරිපත් කිරීමට නියමිතයි.
