විස්සයි විස්ස ලෝක කුසලාන ක්රිකට් තරගාවලියේ සුපිරි අට වටයේ තවත් තරගයක් අද කොළඹ ආර්. ප්රේමදාස ජාත්යන්තර ක්රිකට් ක්රීඩාංගණයේදී පස්වරු 7ට ආරම්භ වීමට නියමිතයි.
ඒ එංගලන්ත ක්රිකට් කණ්ඩායම සහ නවසීලන්ත ක්රිකට් කණ්ඩායම අතර තරගයයි.
සුපිරි අට වටයේ දෙවන කාණ්ඩය යටතේ තරග වදින නවසීලන්තය සහ එංගලන්තය මේ වන විට ලකුණු සටහනේ පෙරමුණ ගෙන සිටිනවා.
ඒ අනුව එංගලන්ත කණ්ඩායම තරග දෙකකට සහභාගි වී තරග දෙකම ජයග්රහණය කර ප්රසාද ලකුණු 4ක් ලබා සිටින අතර නවසීලන්ත කණ්ඩායම තරග දෙකකට සහභාගි වී එක් තරගයක් ජයගෙන ඇති අතර පාකිස්තානය සමගින් පැවැත්වීමට තිබූ තරගය වර්ෂාව හේතුවෙන් අතහැරීමත් සමගින් ප්රසාද ලකුණු 3ක් ලබා සිටිනවා.
එම කාණ්ඩයේ තෙවන ස්ථානයේ පාකිස්ථානය රැඳී සිටින අතර සිව්වන ස්ථානයේ රැඳී සිටින්නේ ශ්රී ලංකාවයි.
මේ අතර සුපිරි අට වටයේ පළමු කාණ්ඩය යටතේ තරග වදින දකුණු අප්රිකානු කණ්ඩායම එම කාණ්ඩයේ පෙරමුණ ගැනීමට සමත්ව සිටිනවා.
ඒ සහභාගි වූ තරග දෙකෙන් දෙකම ජයගෙන ප්රසාද ලකුණු 4ක් ලබාගනිමින්.
දෙවන ස්ථානයේ බටහිර ඉන්දීය කොදෙව් කණ්ඩායම පත්ව සිටින අතර ඉන්දියාව පසු වන්නේ තෙවන ස්ථානයේයි.
සහභාගි වූ තරග දෙකම පරාජයට පත්වෙමින් සිම්බාබ්වේ කණ්ඩායම සිව්වන ස්ථානයේ පසුවනවා.
