අධ්‍යයන පොදු සහතික පත්‍ර සාමාන්‍ය පෙළ විභාගය පැවැත්වීම සඳහා අවශ්‍ය සියලු කටයුතු මේ වන විට සූදානම් කර ඇති බව විභාග කොමසාරිස් ජනරාල් අමිත් ජයසුන්දර මහතා පවසනවා.
මේ අතර වර්ෂාවත් සමඟ හදිසි ආපදා තත්ත්වයන් ඇති වුවහොත් ඒ සඳහා ද අවශ්‍ය කටයුතු සිදු කිරීමට සැලසුම් කර තිබෙනවා.
එමෙන්ම සාමාන්‍ය පෙළ විභාගයට අදාළ ප්‍රශ්න පත්‍ර බෙදාහැරීම එළඹෙන සිකුරාදා දින සිදු කරන බවයි ඔහු වැඩිදුරටත් පවසන්නේ.
වර්ෂාව හේතුවෙන් සිසුවෙකුට විභාගය පවත්වන මධ්‍යස්ථානය වෙත ළඟාවීමට අපහසුතාවක් ඇති වුවහොත් ඒ පිළිබඳව ‘117‘ ක්ෂණික දුරකතන අංකය අමතා දැනුම් දිය හැකි බවද විභාග කොමසාරිස් ජනරාල්වරයා පවසනවා.
මෙවර සාමාන්‍ය පෙළ විභාගය සඳහා අපේක්ෂකයන් හාර ලක්ෂ 59,979 ක් පෙනී සිටින අතර විභාග මධ්‍යස්ථාන 3527 කදී විභාගය පැවැත්වීමට කටයුතු යොදා තිබෙනවා.
Array
