ශ්රී ලංකා ගුවන් හමුදාවේ 20 වන ගුවන් හමුදාපතිවරයා ලෙස එයාර් වයිස් මාෂල් වාසු බන්දු එදිරිසිංහ මහතා පත්කර තිබෙනවා.
ඒ, වත්මන් ගුවන් හමුදාපති එයාර් මාෂල් උදේනි රාජපක්ෂ මහතා එළඹෙන 29වනදා ධුරයෙන් විශ්රාම යෑම හේතුවෙන් ඇතිවන පුරප්පාඩුව සඳහායි.
1970 වසරේ මහනුවර දී උපත ලැබූ එයාර් වයිස් මාෂල් වාසු බන්දු එදිරිසිංහ මහතා මහනුවර ශාන්ත සිල්වෙස්ටර් විදුහලේ ආදි සිසුවෙක් වනවා.
ඔහු වත්මන් ගුවන් හමුදා සැලසුම් අධ්යක්ෂක ලෙස කටයුතු කරන අතර, 1991 වසරේ දී 24 වන බඳවා ගැනීම් කැඩෙට් නිලධාරියෙකු ලෙස ගුවන් හමුදා සේවයට එක්ව තිබෙනවා.
