වකුගඩු සැත්කමකින් පසු දරුවෙකු මියයාමේ සිද්ධිය සම්බන්ධයෙන් විධිමත් පරීක්ෂණයක් සිදුකළ යුතු බව රජයේ වෛද්ය නිලධාරීන්ගේ සංගමය පවසනවා.
එහි මාධ්ය ප්රකාශක වෛද්ය චමිල් විජේසිංහ මහතා කියා සිටියේ අදාළ පරීක්ෂණයෙන් අනාවරණය වන තොරතුරු පිළිබද ජනතාව දැනුවත් කළ යුතු බවයි.
රිජ්වේ ආර්යා ළමා රෝහලේ ප්රතිකාර ලබමින් සිටියදී කොටහේන ප්රදේශයේ පදිංචි වයස අවුරුදු 03 දරුවෙකු ජීවිතක්ෂයට පත්වුණා.
වකුගඩු ආශ්රීත ශල්යකර්මයකින් පසු විශබීජයක් ශරීරගත වීම දරුවාගේ මරණයට හේතුවී තිබෙනවා.
අදාළ දරුවා වකුගඩු ආශ්රිත රෝගී තත්ත්වයකින් පෙළෙන බවට වෛද්යවරුන් ඔහුගේ දෙමාපියන්ට දැනුම් දී තිබුණා.
ඒ අනුව එම දරුවාගේ වම් වකුගඩුව ඉවත් කළ යුතු බවත් දකුණු වකුගඩුව නිරෝගි තත්ත්වයේ පවතින බවත් වෛද්යවරුන් පවසා තිබෙනවා.
කෙසේවෙතත් ශල්යකර්මය සිදුකිරීමේදි දරුවාගේ දකුණු වකුගඩුවත් ඉවත් වී ඇති බවයි වෛද්යවරුන් දැනුම් ඇත්තේ.
