කාන්තා දිනය නිමිත්තෙන් ලංකා කම්කරු කොංග්රසයේ කාන්තා සංවිධානය විසින් අද(08) දින උදෑසන දික්ඔය මූලික රෝහල ඉදිරිපිට හැටන් බගවන්තලාව ප්රධාන මාර්ගයේ පැවැත්වීමට සූදානම්කර තිබූ උද්ඝෝෂණයක් නතර කිරීමට හැටන් මහේස්ත්රාත් අධිකරණය මගින් තහනම් නියෝගයක් නිකුත් කර තිබෙනවා.
දික්ඔය මූලික රෝහලේ මෘත ශරීරාගාරය තුළ පශ්චාත් මරණ පරීක්ෂණය සඳහා තැන්පත් කර තිබූ කාන්තා මළ සිරුරක් එම රෝහලේ සේවකිය්න තිදෙනෙකු විසින් දූෂණය කළ බව කියන සිද්ධියට විරෝධ්ය පාමින් සහ ඒ සම්බන්ධයෙන් සිදු කෙරෙන විමර්ශන කටයුතු අපක්ෂපාතීව කඩිනමින් සිදුකරන ලෙසට බලකරමින් ලංකා කම්කරු කොංග්රසය විසින් එම උද්ඝෝෂණය පැවැත්වීමට කටයුතු කර තිබුණා.
නෝර්වුඩ් පොලිසිය මගින් හැටන් වැඩබලන මහේස්ත්රාත් නීතිඥ දමයන්ති ප්රනාන්දු මහත්මිය වෙත කරුණු ඉදිරිපත් කරමින් කියා සිටියේ සිද්ධිය සම්බන්ධයෙන් අධිකරණයට කරුණු වාර්තා කර ඇති බවත් රෝහල් පාලන අධිකාරිය මගින්ද ත්රිපුද්ගල කමිටුවක් මගින් පරීක්ෂණයක් පැවැත්වෙන අතරතුර රෝහල ඉදිරිපිට උද්ඝෝෂණය කිරීම නිසා රෝහලේ වෛද්යවරුන්ට, රෝගීන්ට, රෝහල් කාර්ය මණ්ඩලයට සහ රෝහලේ දේපලවලට බලපෑමක් සහ අලාභ හානි සිදුවීමට ඉඩ ඇති නිසා මෙම තහනම් නියෝගය නිකුත් කරන ලෙසට නෝර්වුඩ් පොලිසිය මගින් මහේස්ත්රාත්වරියගෙන් ඉල්ලීමක් කර තිබුණා.
එම ඉල්ලීම පිළිබඳ සලකා බැලූ මහේස්ත්රාත්වරිය එම නියෝගය අද(08) දින නිකුත් කර තිබෙනවා.
ලංකා කම්කරු කොංග්රසයේ මහලේකම් පාර්ලිමේන්තු මන්ත්රී ජීවන් තොණ්ඩමන් මහතා ඇතුළු එම පක්ෂයේ ජ්යෙෂ්ඨ නායකයින් කිහිප දෙනෙකුට එරෙහිව තහනම් නියෝගය ලබාගෙන තිබෙනවා.
එම නියෝගය පොලිසිය මගින් කියවීමෙන් අනතුරුව එම උද්ඝෝෂණයට එක්ව සිටි පිරිස් කියා සිටියේ අධිකරණ නියෝගයට ගරු කර උද්ඝෝෂණය සිදු නොකරන බවත් සිද්ධිය සම්බන්ධයෙන් පවත්වන විමර්ශන කටයුතු සහ පරීක්ෂණ අපක්ෂපාතීව සිදුකරන ලෙසයි.
එම ස්ථානයට පැමිණි හැටන් කොට්ඨාස භාර ජ්යෙෂ්ඨ පොලිස් අධිකාරී ප්රදීප් වීරසේකර මහතා කියා සිටියේ අධිකරණ නියෝගයට අනුව කටයුතු කරන ලෙසත් සිද්ධිය සම්බන්ධයෙන් පැවැත්වෙන පරීක්ෂණ අපක්ෂපාතීව පැවැත්වෙන බවයි.
