පොලිස් වෙඩි පහරකින් පුද්ගලයකු ජීවිතක්ෂයට පත් වී තිබෙනවා.
පොලිසියට අත් බෝම්බ ප්‍රහාරයක් එල්ල කිරීමට මරණකරු උත්සාහ කර ඇති අතර, එහි දී ක්‍රියාත්මක වූ පොලිසිය මරණකරුට වෙඩි තබා ඇති බවයි වාර්තා වන්නේ.
කටුනායක-මඬවල ප්‍රදේශයේ වැටලීමක දී මෙම වෙඩි තැබීම සිදු වී ඇති බව සඳහන්.
මේ අතර රත්මලාන ගුවන් හමුදා කඳවුරේ අවි ගබඩාවෙන් සොරා ගෙන තිබූ ටී 56 ගිනි අවිය සහ පතරොම් 120ක් පානදුර, අඟුරුවාතොට කෙසෙල්හේනාව ප්‍රදේශයේ එළවළු කොටුවක වල දමා තිබියදී සොයාගෙන තිබෙනවා.
එම ගිනි අවිය සහ උණ්ඩ සහිත මැගසින් සොරාගත් බව කියන ගුවන් හමුදා සැරයන්වරයෙක් අත්අඩංගුවට ගත් බව පොලීසිය පවසනවා .
ඉකුත් 20 වන දින එම සොරකම සැකකරු විසින් සිදුකර ඇති බව සදහන් .
සැකකරු ගල්කිස්ස මහෙස්ත්‍රාත් අධිකරණය වෙත ඉදිරිපත් කිරීමට නියමිතයි .
