ඩයලොග් අන්තර් පාසල් රග්බි තරගාවලිය අද ආරම්භ වීමට නියමිතව තිබෙනවා.
එක් එක් කණ්ඩායම් ශ්‍රේණිගත කර ඇති අතර කාණ්ඩ තුනක් යටතේ පැවැත්වෙන මෙවර තරගාවලියට පාසල් රග්බි කණ්ඩායම් 84ක් එක්වනවා.
පළමු වැනි ශ්‍රේණියේ ඒ කාණ්ඩයෙන් පාසල් 16ක් තරග වදින අතර එහි බී කාණ්ඩයෙන් තරග වදින පාසල් සංඛ්‍යාව 14ක්.
එමෙන්ම සී කාණ්ඩයෙන් පාසල් 12ක් මෙවර තරගාවලියට එක්වනවා.
මේ අතර දෙවන ශ්‍රේණියේ කණ්ඩායම් 12ක් තරගාවලියට එක්වන අතර තෙවන ශ්‍රේණියේ කණ්ඩායම් 30 ක් එක්වනු ඇති.
පසුගිය වසරේදී පළමු ශ්‍රේණියේ ඒ කාණ්ඩයේ ශූරතාව ශන්ත පීතර විද්‍යාලය විසින් දිනාගත් අතර අනුශූරතාව කොළඹ රාජකීය විද්‍යාලය විසින් දිනා ගත්තා.
