ගත වූ දෙදින තුළ දිවයිනේ ප්රදේශ කිහිපයකින් පුද්ගලයන් දොළොස් දෙනෙකු අතුරුදන් වී ඇති බව පොලිස් මූලස්ථානය පවසනවා.
අතුරුදන් වූ පිරිස අතර බාල වයස්කාර දරුවන් සිව්දෙනෙකු ද වන බව සඳහන්.
අතුරුදන් වූ බාල වයස්කාර දරුවන් අතර බොරලැස්ගමුව, නාදකුඩුඉරුප්පු, සහ හැටන් යන ප්රදේශවල පදිංචි 15 හැවිරිදි සහ 16 හැවිරිදි පාසල් සිසුන් තිදෙනෙකු ද, යටියන සංවර්ධන මධ්යස්ථානයක රඳවා සිටි 15 හැවිරිදි දැරියක් ද වන බව සදහන්.
ඊට අමතරව නුවරඑළිය ප්රදේශයේ 18 හැවිරිදි තරුණියක්, පොතුවිල්හි පදිංචි 26 හැවිරිදි කාන්තාවක් සහ එඬේරමුල්ල ප්රදේශයේ පදිංචි 24 හැවිරිදි තරුණයකු ද අතුරුදන් පිරිස අතරට ඇතුළත් වනවා.
ඊට අමතරව නොර්වුඩ්හි පදිංචි 82 හැවිරිදි කාන්තාවක්, මොරටුව පදිංචි 75 හැවිරිදි පිරිමි පුද්ගලයෙක්, පල්ලම ප්රදේශයේ පදිංචි 70 හැවිරිදි කම්කරුවෙකු, කහතුඩුව ප්රදේශයේ පදිංචි 65 හැවිරිදි පිරිමි පුද්ගලයෙකු ද ඇතුළත් බවයි පොලිස් මුලස්ථානය සඳහන් කළේ.
