දඹුල්ල ආර්ථික මධ්‍යස්ථානය ආසන්නයේ පිහිටි තොග සහ සිල්ලර වෙළඳ සැලක අලෙවි කිරීම සඳහා තිබූ කහකුඩු කිලෝ 334 ක් තක්කාලි සෝස් ලීටර් 252ක් මිනිස් පරිභෝජනයට නුසුදුසු බැවින් දඹුල්ල මහේස්ත්‍රාත් අධිකරණයෙන් ලැබුණු නියෝගයක් මත 05 දින පස්වරුවේ විනාස කිරීමට පියවර ගත් බව දඹුල්ල මහනගර සභාවේ සෞඛ්‍ය අංශය පවසයි.
කහ කුඩු වලට විවිධ වර්ණක සහ තිරිඟු පිටි කලවම් කොට තිබෙන බවත් තක්කාලි සෝස් වලට වර්ණක සහ කෘතිම ද්‍රව්‍ය එකතු කිරීම ඇති බවට රස පරීක්ෂක වාර්තාවක් මගින් සනාථ කරගෙන මෙම වෙළඳසැල් හිමියාට සහ නිෂ්පාදකයාට එරෙහිව නඩු පැවරීමෙන් අනතුරුව මේවා මිනිස් පරිභෝජනයට නුසුදුසු ඒවා බවට ප්‍රකාශ කරමින් විනාශ කිරීමේ නියෝගයක් ලැබුණු බව දඹුල්ල මහ නගර සභාවේ නාගරික මහජන සෞඛ්‍ය පරීක්ෂක ඩබ්ලිව් .ඒ .එම් .වයි . අබේසේකර මහතා පැවසීය
ඒ අනුව දඹුල්ල මහ නගර සභාවේ සෞඛ්‍ය අංශයේ සේවකයන් පැමිණ වෙළඳ සැලේ ගබඩාකොට තිබුණු මිනිස් පරිභෝජනයට නුසුදුසු මෙම කහ කුඩු සහ තක්කාලි සෝස් දඹුල්ල දීගම්පතහා පිහිටි පිවිතුරු අරණ කසළ අංගනයට රැගෙන ගොස් විනාශ කිරීමට පියවර ගත්තේය
