අක්මීමන ප්‍රදේශයේ පුද්ගල ඝාතනයකට සම්බන්ධ බව කියන සැකකරුවන් දෙදෙනෙකු රත්මලාන ප්‍රදේශයේදී අත්අඩංගුවට ගෙන තිබෙනවා.
බස්නාහිර පළාත් දකුණ අපරාධ කොට්ඨාසයට ලද තොරතුරකට අනුව රත්මලාන ප්‍රදේශයේදී පිහිටි ලැගුම් හලක සැගව සිටියදීයි සැකකරුවන් අත්අඩංගුවට ගෙන ඇත්තේ.
අක්මීමන ප්‍රදේශයේ පුද්ගලයෙකු තියුණු ආයුධවලින් පහරදී ඝාතනය කළ බවට ඔවුන්ට එරෙහිව චෝදනා එල්ල වී තිබෙනවා.
සැකකරුවන් අධිකරණය හමුවට ඉදිරිපත් කිරීමට නියමිතව තිබෙනවා.
