ජාත්‍යන්තර මුල්‍ය අරමුදලේ ණය පහසුකම ක්‍රියාත්මක වන ආකාරය පිළිබද සොයා බැලීමට ජනාධිපති රනිල් වික්‍රමසිංහ මහතා විසින් විශේෂ කමිටුවක් පත්කර තිබෙනවා.
අදාළ කමිටුව කටයුතු කරන ආකාරය පිළිබද යෝජනාවක් ජනාධිපතිවරයා විසින් අමාත්‍ය මණ්ඩලයට ඉදිරිපත් කරනු ඇති.
ඒ අනුව එම කමිටුව සදහා අමාත්‍ය මණ්ඩලයේ අනුමැතිය ලබා ගැනීමට නියමිතයි.
ජනාධිපති කාර්ය මණ්ඩල ප්‍රධානී සාගල රත්නායක මහතා , මහා භාණ්ඩාගාර ලේකම් සහ මහ බැංකු අධිපතිවරයා ඇතුළු විද්වතුන් පිරිසක් මෙම කමිටුවට ඇතුලත්වනවා.
අදාළ කමිටුව මගින් අයි.එම්.එෆ් ක්‍රියාවලිය සම්බන්ධයෙන් පසු විපරමක් කළ යුතු අතර බදු ප්‍රතිපත්ති සහ වක්‍ර බදු අඩු කරමින් සෘජු බදු වැඩි ඛිරීම පිළිබද සොයා බැලිය යුතුවනවා.
එමෙන්ම ජාත්‍යන්තර මුල්‍ය අරමුදලේ කොන්දේසි ක්‍රියාත්මක කිරීම පිළිබද සොයා බැලීම ද අදාළ කමිටුවට පැවරී තිබෙනවා.
දුෂණ මර්දන පනත වැනි අණ පනත් සම්බන්දයෙන් මාසයකට වරක් අදාළ කමිටුව අමාත්‍ය මණ්ඩලය දැනුවත් කළ යුතු බවයි ජනාධිපති රනිල් වික්‍රමසිංහ මහතා සදහන් කර ඇත්තේ.
