සරණාගතයින් රැගත් බෝට්ටුවක් පෙරළී යාමෙන් පුද්ගලයින් 50 දෙනෙකු මියයයි

රෝහින්යා සරණාගතයින් රැගත් බෝට්ටුවක් පෙරළී යාමෙන් පුද්ගලයින් 50 දෙනෙකු මිය ගොස් තිබෙනවා.

ඉන්දුනීසියාවේ අචේ ප්‍රාන්ත වෙරළට ඔබ්බෙන් වූ මුහුදු ප්‍රදේශයේදී මෙම බෝට්ටුව අනතුරට ලක්ව ඇති බවයි විදෙස් මාධ්‍ය වාර්තා සදහන් කළේ.

කෙසේ වෙතත් අවට සිටි ධීවරයින් පිරිසක් අනතුරට පත් පුද්ගලයින් 6 දෙනෙකු ද බේරාගැනීමට සමත්ව තිබෙනවා.

අනතුර සිදුවන අවස්ථාවේදී බෝට්ටුව තුළ සරණාගතයින් 150 දෙනෙකු පමණ ගමන් කරමින් සිට ඇති බව සදහන්.

කෙසේ වෙතත් මියගිය පිරිස තවදුරටත් ඉහළ යා හැකි බවයි විදෙස් වාර්තා සදහන් කළේ.

එමෙන්ම පසුගිය 15 වන දා ද ලිබියාවෙන් පලාඑමින් සිටි සරණාගතයින් 60 දෙනෙකු බෝට්ටුවක් පෙරළී යාමෙන් මධ්‍යධරණී මුහුදේදී ජීවිතක්ෂයට පත්ව තිබෙනවා.