2024 විස්සයි විස්ස ලෝක කුසලාන ක්‍රිකට් තරගාවලියේ අවසන් මහා තරගය හෙට පැවැත්වීමට නියමිතව තිබෙනවා.
ඒ ඉන්දීය කණ්ඩායම සහ දකුණු අප්‍රිකාණු කණ්ඩායම අතරයි.
කොදෙව් දුපත් හි බිජ්ටවුන්හිදී පැවැත්වෙන අවසන් මහා තරගය මෙරට වෙලාවෙන් රාත්‍රි 08ට ආරම්භ වීමට නියමිතයි.
අවසන් පුර්ව වටයේදී ඇෆ්ගනිස්ථානය පරාජයට පත්කළ දකුණු අප්‍රිකාණු කණ්ඩායම අවසන් මහා තරගයට සුදුසුකම් ලබා ගත් අතර ඉන්දීය කණ්ඩායම , එංගලන්තය පරාජය කරමින් අවසන් මහා තරගයට සුදුසුකම් ලැබුවා.
දකුණු අප්‍රිකාව ජාත්‍යන්තර පන්දුවාර විස්සයි විස්ස ලේක කුසලාන තරගාවලියක අවසන් මහා තරගයට සුදුසුකම් ලැබු පළමු අවස්ථාව මෙයයි.
ඉන්දීය කණ්ඩායම විස්සයි විස්ස ලෝක කුසලාන ඉතිහාසයේ පැවති පළමු තරගාවලියේදී ශූරයින් බවට පත්ව තිබුණා.
