විදේශ ගමන් බලපත්‍රය අලුත් කිරීමේදී අන්තර්ජාලය ඔස්සේ අයඳුම් කළ හැකියි

විදේශ ගමන් බලපත්‍රය අලුත් කිරීමේදී අන්තර්ජාලය ඔස්සේ අයදුම් කළ හැකි බව ජාත්‍යන්තර සබඳතා පිළිබඳ ආංශික අධීක්ෂණ කාරක සභා රැස්වීමේදී ප්‍රකාශ කර තිබෙනවා .
මෙහිදී ආගමන හා විගමන දෙපාර්තමේන්තුවේ නිලධාරීන් පැවසුවේ ජූනි මස 01 වැනිදා සිට එය ක්‍රියාත්මක බවයි .

නව විදේශ ගමන් බලපත්‍රයක් සඳහා අයදුම් කිරීමේදී විදෙස්ගත ශ්‍රී ලාංකිකයින්ට ද මෙම ක්‍රමය අනුගමනය කල හැකි වනවා .
අදාළ ආංශික අධීක්ෂණ කාරක සභා රැස්වීම පසුගියදා පැවැත්වුනේ එහි සභාපති පාර්ලිමේන්තු මන්ත්‍රී නාමල් රාජපක්ෂ මහතාගේ ප්‍රධානත්වයෙන් .

විදේශගත ශ්‍රී ලාංකිකයන්ට එම රටවල ශ්‍රී ලංකා තානාපති කාර්යාලවලට පැමිණීමෙන් තොරව අන්තර්ජාලය හරහා මෙලෙස ඉල්ලුම් කළ හැකි බව ද ආගමන හා විගමන දෙපාර්තමේන්තුවේ නිලධාරීන් මෙහිදී ප්‍රකාශ කළා .