ව්‍යාජ ගමන් බලපත්‍රයක් යොදාගනිමින් විදේශ ගතවීමට තැත් කළ කාන්තාවක් අත්අඩංගුවට

කූඨ ලේඛන යොදාගනිමින් සකස් කළ ගමන් බලපත්‍රයක් උපයෝගි කරගනිමින් විදේශ ගතවීමට තැත් කළ ශ්‍රී ලාංකික තරුණියක් කටුනායක ගුවන් තොටුපලේදී අත්අඩංගුවට ගෙන තිබෙනවා.

එම අවස්ථාවේදී අදාළ තරුණියට සහය දැක්වූ තැරැව්කරු ද අත්අඩංගුවට ගත් බවයි අප ගුවන් තොටුපල වාර්තාකරු සඳහන් කළේ.

අත්අඩංගුවට ගත් තරුණිය 24 හැවිරිදි වියේ පසුවන ත්‍රිකුණාමලය ප්‍රදේශයේ පදිංචිකාරියක් වනවා.