වසරකට පසු මිරිහාන යළි උණුසුම් වෙයි – අත්අඩංගුවට ගත් සමාජ ක්‍රියාකාරිකයින් දෙදෙනාටත් ඇප

අත්අඩංගුවට පත් සමාජ ක්‍රියාකාරීන් ලෙස සැලකෙන අනුරුද්ධ බණ්ඩාර සහ ධානීෂ් අලි යන දෙදෙනා පොලිස් ඇප මත මුදාහැර තිබෙනවා.

හිටපු ජනාධිපති ගෝඨාභය රාජපක්ෂ මහතාගේ මිරිහානේ පිහිටි පුද්ගලික නිවස ආසන්නයේදීයි ඔවුන් දෙදෙනාව අත්අඩංගු ගෙන තිබුණේ.

අරගලයේ ප්‍රධාන පෙළේ ක්‍රියාකාරීන් දෙදෙනෙකු ලෙසයි අනුරුද්ධ බණ්ඩාර සහ ධානීෂ් අලි සැලකෙන්නේ.

අරගලය ආරම්භ කර වසරක් සපීරීම නිමිත්තෙන් සමාජ ක්‍රියාකාරීන් ඇතුළු පිරිසක් ඊයේ මිරිහාන ජුබිලි කණුව ප්‍රදේශයේදී සැමරුම් උත්සවයක් සංවිධාන කර තිබුණා.

එහිදී විරෝධතාවට එක්ව සිටි අරගලකරුවන් සහ ආරක්ෂක අංශ අතර උණුසුම් තතත්ත්වයක් ද හටගත්තා.

පොලිස් නිලධාරීන් 1500ක් පමණ මිරිහාන සහ ඒ අවට පොලිස් රාජකාරී සදහා යොදවා සිටි අතර තවත් ආරක්ෂක අංශ සාමාජිකයින් 3000ක් ද එම ප්‍රදේශයේ ආරක්ෂාව සදහා යොමුකර තිබුණා.