රාජ්‍ය සේවක වැටුප ලබන සඳුදා ලබා දීමේ තීරණයක්

රාජ්‍ය සේවක වැටුප ලබන සඳුදා ලබා දීමට තීරණය කර තිබෙනවා.

රජයේ ආරංචි මාර්ග පැවසුවේ විශ්‍රාම වැටුප සහ සමෘද්ධි දීමනාද එදිනම ලබා දෙන බවයි.

ආසන්න කාලයකදී මාර්තු සහ අප්‍රේල් යන මාස දෙකේම වැටුප් සහ දීමනා ගෙවීම ගැටලුවක්ව තිබූ බවයි මුදල් රාජ්‍ය අමාත්‍ය රංජිත් සියඹලාපිටිය මීට පෙර ප්‍රකාශ කළේ.

මේ අතර සුභසාධක ගෙවීම් සිදුකිරීම සඳහා මේවන විට අයදුම්පත් තුන් ලක්ෂ ,700,000 ට අධික ප්‍රමාණයක් ලැබී ඇති බව සුභසාධන ප්‍රතිලාභ මණ්ඩලය පවසනවා .

එහි සභාපති බී. විජයරත්න මහතා සඳහන් කළේ නිවාස ඒකක තුන් ලක්ෂ ,200,000කට අධික ප්‍රමාණයක අයදුම්පත් පරීක්ෂා කර සංගණන කටයුතු සිදුකර ඇති බවය.

පාර්ලිමේන්තුවේ සහ අමාත්‍ය මණ්ඩලයේ අනුමැතිය ලැබීමෙන් අනතුරුව ජූනි මස අවසානයට පෙර සුභසාධක ගෙවීම් සිදු කිරීමේ හැකියාව පවතින බව ඔහු වැඩිදුරටත් ප්‍රකාශ කලා.