මධ්‍යම පේෂ කර්ම කර්මාන්තයේ නියැලෙන්නන් 365 ට නොමිලේ ඇස් කණ්නාඩි

මධ්‍යම පේෂ කර්ම කර්මාන්තයේ නියැලෙන්නන් 365 දෙනෙකුට නොමිලේ ඇස් කණ්නාඩි බෙදා දීම මධ්‍යම පළාත් ආණ්ඩුකාරවර නීතිඥ ලලිත් යූ ගමගේ මහතාගේ ප්‍රධානත්වයෙන් මහනුවර පිහිටි ආණ්ඩුකාරවර කාර්යාලීය ශ්‍රවණාගාරයදී (10) සිදුවුුුණා.

නාවල සිංහ සමාජයේ ව්‍යාපෘතියක් ලෙස නාවල සිංහ සමාජයේ ලයන් මහේෂි හේවගේ සහ ආනන්ද ඒකනායක  දෙපළගේ පරිත්‍යාගයෙන් මහනුවර ශ්‍රී විෂ්ණු දේවාලයේ බස්නායක නිළමේ මහේන් රත්වත්තේ මහතාගේ සම්බන්ධීකරණයෙන් ක්‍රියාවට නැංවූ මෙම වැඩසටහනේදී අදහස් දක්වමින් පළාත් ආණ්ඩුකාරවරයා සදහන් කර සිටියේ මෙම වැඩසටහන ජාතික කර්තව්‍යයක් සේ සළකනවා. විදේශ රටවල් සිය දේශීය කර්මාන්ත ශක්තිමත් කිරීමෙහි ලා විවිධ වැඩසටහන් ක්‍රියාත්මක කරනු දැකිය හැකි බවත්, පේෂ කර්මාන්තය උපක්‍රමික ලෙස සංවර්ධන කරන්නේනම් එය දේශීය ආර්ථිකයට විශාල ශක්තියක් වන බවත්, පේෂ කර්මාන්තයේ නියැලෙන්නන්ගේ වේතනය යම් ප්‍රමාණයකින් ඉහල නංවාලමින් ඔවින් දිරිමත් කිරීමට හැකිවීම මගින් , වසර ගණනාවක් අතහැර තිබූ පේෂ කර්ම මධ්‍යස්ථාන නැවත ක්‍රියාකාරී මට්ටමට පත්කිරිමට හැකියාව සැලසීම සම්බන්ධයෙන් තමාට නිහතමානි සතුටක් පවතින බවත්, ඉදිරියේදී අමුද්‍රව්‍ය ගැටලු ඇතිලු වර්තමාන ගැටලු සම්බන්ධයෙන් ද තමා ඉදිරියේදී අදාල අංශ සමග සාකච්ඡා කර විසදුම් ලබා දීමට අපේක්ෂා කරන බවත් එම මහතා මෙහිදී වැඩිදුරටත් අදහස් දක්වමින් ප්‍රකාශ කර සිටියා.