බිත්තර Kg ලෙස අලෙවි කිරීමට නිකුත් කළ ගැසට් නිවේදනය අවලංගු කිරීමට අවදානය

බිත්තර කිලෝග්‍රෑම් ලෙස අලෙවි කිරීමට නිකුත් කළ ගැසට් නිවේදනය අවලංගු කිරීමට අවදානය යොමුව ඇතැයි වෙළද අමාත්‍ය නලින් ප්‍රනාන්දු මහතා පවසනවා.

ඉන්දියාවෙන් ආනයනය කරන බිත්තර වෙළඳසැල්වලට නිකුත් කිරීමෙන් පසුව පාලන මිල කාණ්ඩ 2 ක් අවශ්‍ය නොවන බවත් ඔහු පැවසුවා.

ඒ හේතුවෙන් එක් ගැසට් නිවේදනයක් අවලංගු කිරීමට අවදානය යොමු වී ඇති බවයි අමාත්‍ය නලින් ප්‍රනාන්දු මහතා සඳහන් කළේ.

මේ අතර රජය විසින් බිත්තර සදහා නිකුත් කර ඇති ගැසට් නිවේදනය ඉවත් කරන්නේ නම් සතියකින් බිත්තර වෙළදපොලට නිකුත් කරන බව සමස්ත ලංකා බිත්තර නිෂ්පාදකයින්ගේ සංගමය පවසනවා.

එහි සභාපති සරත් රත්නායක මහතා පැවසුවේ රජය විසින් නිකුත් කළ ගැසට් නිවේදනය හේතුවෙන් පාරිභෝගිකයින් ද දැඩි අපහසුතාවයට පත්ව ඇති බවයි.

මේ අතර සමස්ත ලංකා ආපනශාලා හිමියන්ගේ සංගමයේ සභාපති අසේල සම්පත් මහතා ද බිත්තර ගැටලුව සම්බන්ධයෙන් අදහස් පළ කළා.