අරගලකරුවන් ජනාධිපති මන්දිරයට ඇතුළු වූ අවස්ථාවේදී එහි තිබී සොයා ගත් රුපියල් ලක්ෂ 170 කට අධික මුදල සම්බන්ධ විමර්ශන කටයුතු පොලිස් විශේෂ විමර්ශන අංශයෙන් ඉවත් කර අපරාධ පරීක්ෂණ දෙපාර්තමේන්තුවට ලබාදීම පිළිබඳ අධිකරණයට කරුණු දක්වන ලෙසට කොළඹ ප්‍රධාන මහෙස්ත්‍රාත්වරයා විසින් පොලිස්පතිවරයාට සිතාසි නිකුත් කර තිබෙනවා.
එම නඩුවේ විත්තිකරුවෙකු වන අන්තර් විශ්වවිද්‍යාලයිය ශිෂ්‍යබල මණ්ඩලයේ කැඳවුම්කරු වසන්ත මුදලිගේ පෙබරවාරි මස 08 වනදා දක්වා යළි රක්ෂිත බන්ධනාගාර ගත කිරීමට කොළඹ – කොටුව මහෙස්ත්‍රාත් අධිකරණය නියම කර තිබුණා.
මේ අතර වසන්ත මුදලිගේ නිදහස් කරන්නැයි ඉල්ලා මහජනතාවගෙන් දිවුරුම් පෙත්සම් 10,000 ක් සඳහා අත්සන් ලබා ගැනීම ඊයේ කොළඹ කොටුව දුම්රියපොළ ඉදිරිපිටදී ආරම්භ වුණා.
වෘත්තිය සමිති සහ බහුජන සංවිධාන එක්ව එය සංවිධාන කර තිබුණා.
